Каледжы аб'яднанага сьвету (United World Colleges, UWC) праводзяць конкурс на атрыманьне стыпендыяў для навучаньня з 2010/11 н.г. ў наступных каледжах:

Міжнародны Адрыятычны каледж ў Італіі (UWC of the Adriatic),
Міжнародны Атлантычны каледж у Вялікабрытаніі (UWC of the Atlantic),
Міжнародны каледж у Маастрыхце, Нідэрлянды (UWC Maastricht),
Міжнародны каледж "Махіндра" ў Індыі (Mahindra UWC of India),
Міжнародны каледж у Мостары, Боснія й Герцагавіна (UWC in Mostar),
Заходнеамэрыканскі міжнародны каледж імя А. Хаммэра, ЗША (UWC-USA).

Навучаньне ў UWC вядзецца на ангельскай мове па сыстэме Міжнароднага бакаляўрэата (International Bacalaureat, IB). Тэрмін навучаньня – 2 гады. Па заканчэньні каледжу выпускнікам выдаецца дыплём, які дае магчымасьць працягнуць навучаньне ва ўнівэрсытэтах большасьці краінаў сьвету.

Да ўдзелу ў конкурсе запрашаюцца прэтэндэнты, якія будуць мець узрост 16 – 17 год на 1 верасьня 2010 г.

Конкурс праводзіцца ў 2 туры. На І-ы тур удзельнікі конкурсу мусяць даслаць дакумэнты й конкурснае эсе на электронны адрас: uwcblr@gmail.com да 1 сакавіка 2010 году. Кандыдаты, якія пройдуць ў ІІ тур, атрымаюць запрашэньні. Другі тур адбудзецца 3 красавіка 2010 году.//svetlahorsk.belarda.org