Берасцейская моладзевае аб'яднанне "Дзедзіч" вырашыла, што лепей не чакаць, пакуль Беларусь стане сапраўды еўрапейскай краінай, а пабудаваць у некалькіх кіламетрах ад Польшчы сваю невялічкую "Еўропу".

Таму з 25 ліпеня на працягу 10 дзён моладзь з Берасця і ўсёй краіны ў вёсцы Залессе Камянецкага раёна (40 км ад Берасця) будзе ствараць свой "Еўрапейскі дом".

Восенню мінулага года ў гэтай вёсцы агульнымі намаганнямі сяброў "Дзедзіча" быў знойдзены і выкуплены прыгожы цагляны дом 1939 года пабудовы. Цэлую вясну там паступова вялася падрыхтоўка да правядзення летніх рэканструкцыйных прац. А пасля іх сканчэння з'явіцца новае непаўторнае месца для цікавых сустрэч, моладзевых абменаў, летнікаў, канферэнцый і музычных фэстаў.

Еўрапейскі дом мы можам пабудаваць разам!!!

Мы запрашаем сяброў разнастайных грамадскіх арганізацый ды проста актыўную і пазітыўную моладзь з усёй Беларусі далучыцца да летніка, каб стаць надалей ганаровым і заўсёды жаданым госцем "Еўрапейскага дому".

Як усё будзе адбывацца?

З 25 ліпеня пачынае працу намётавы гарадок вакол аб'екта рэканструкцыйна-будаўнічых прац.

Летнік "Беларускі дом еўрапейскіх сустрэч" гэта:

-           працы на аб'екце;

-           сустрэчы з цікавымі і творчымі людзьмі;

-           вандроўкі ў Камянец (знаходзіцца старажытная Белая вежа), Воўчын (радзіма апошняга караля Рэчы Паспалітай са старажытным Троіцкім Касцёлам), Высокае (сядзібава-паркавы ансамбль Сапегаў);

-           свята вады на возеры Катэра;

-           вечаровы Open Air;

-           дэбаты, прыемныя размовы і летнія раманы.

Каб патрапіць на летнік, трэба:

-           быць авантурным, прыемным, разумным, крэатыўным і вясёлым чалавекам;

-           запоўніць анкету;

-           прыехаць;

-           і застацца ў ганаровай кнізе сябрам "Еўрапейскага дома" назаўжды!!!

Арганізатары летніка забяспечваюць праезд, размяшчэнне і харчаванне.

Пытанні, заяўкі і анкеты прымаюцца на электронную скрыню: dzedzich@tut.by.

Тэлефоны для сувязі: 8(029)782-88-81, 8(029)660-57-41

Анкета ўдзельніка летніка “Чароўны дом еўрапейскіх сустрэч”
(для dzedzich@tut.by)