1-5 сакавіка 2009 году ў Бэрліне і Дрэздане адбудзецца культурніцкі абмен. Арганізатары – нямецкае студэнцкае таварыства “Лагода” – запрашаюць да ўдзелу маладых беларусаў, якія займаюцца мастацтвам у розных праявах. Візыт улучае ў сябе экскурсыі, наведваньне вядомых культурных цэнтраў, артыстычных салёнаў, музэяў, галерэяў, сустрэчы з нямецкай творчай моладзьдзю (напрыклад, знаёмства і сумесны майстар-кляс з бэрлінскай тэатральнай групай). Апроч азнаямленьня з творчым ланшафтам і магчымасьцямі самарэалізацыі ў Нямеччыне, візыт дае шанс беларускім творцам выступіць на нямецкай сцэне і завязаць карысныя кантакты са сваімі калегамі-аднагодкамі, а таксама людзьмі, якія займаюцца арганізацыяй культурніцкіх мерапрыемстваў і прамоцыяй беларускай культуры.

Мастакі і фатографы змогуць выставіць свае працы ў галерэі, маладыя акторы – выступіць у тэатры, музыкі і гурты – выканаць свае творы ў клюбах Бэрліна і Дрэздана.

З прычыны абмежаванай колькасьці ўдзельнікаў у абмене, арганізатары праводзяць адбор на падставе матывацыйных лістоў кандыдатаў.

Жадаючыя прыняць удзел дашліце, калі ласка, як мага хучэй заяўку на E-mail: kunstaustausch@gmail.com .

Арганізатары дапамагаюць у афармленьні візы, забясьпечваюць удзельнікаў пражываньнем і харчаваньнем у Бэрліне і Дрэздане, а таксама аплочваюць праезд зь Беларусі ў Нямеччыну.

Дэдляйн падачы заявак 15 студзеня 2009г.