Першы сэксуальны кантакт – гэта значная падзея ў жыцці кожнага маладога чалавека, якая надоўга застаецца ў памяці. Абставіны, у якіх адбывалася першае заняцце сэксам бываюць канешне розныя і не заўсёды спрыяльныя. Сацыёлагі з Ніжняга Шлёнска (Польшча) правялі апытанне сярод маладзёнаў на тэму сэксуальных адносінаў. Вынікі аказаліся неадназначнымі.

Часцей за ўсё першы кантакт адбываецца ў бацькоўскай хаце. Пра гэта распавялі 34% апытаных. 25% зрабілі гэта на дыскатэцы, 10% упадабалі для гэтага аўтамабіль. Толькі 5 адсоткаў зрабілі гэта падчас вакацыйных падарожжаў, а 20% увогуле ажыццявілі гэта ў іншых месцах, праўда, не ўдакладняючы дзе.

Для 80 адсоткаў рэспандэнтаў прычынай для сумеснага палавога жыцця з’яўляюцца ўзаемныя пачуцці. Аднак 64% сказалі, што важную ролю адыграла “дасягненне адпаведнага ўзросту”. Шмат хто з падлеткаў вырашыў пайсці на сэксуальны кантакт менавіта таму, што “час прыспеў”. Кпіны аднакласнікаў і сяброў яшчэ больш штурхаюць хлопцаў і дзяўчат да першага сэксу. 35% хлопцаў і 20% дзеўчын ва ўзросце 15-16 гадоў прызналіся, што ўжо мелі сэксуальныя кантакты, але далёка не ўсе такія кантакты прывялі да ўстойлівых адносін.

Аднак некаторыя з рэспандэнтаў палічылі, што сэкс звязаны з вялікай адказнасцю і пакуль не наважыліся на сэксуальны кантакт. 18-гадовая Юдыта з Любліна сустракаецца з хлопцам ўжо амаль паўгода, але лічыць, што для сэкса яшчэ зарана. “Мы яшчэ мала ведаем адзін пра аднаго, хутка пачнецца вучоба і нам нават няма дзе жыць. Зараз зусім не прыдатны час, каб прыймаць такія важныя рашэнні”, - лічыць Юдыта.

//susvet.info