Першую рэпетыцыю і прэс-канферэнцыю даў у Бялградзе ўдзельнік на "Еўрабачанні-2008" ад Беларусі Руслан Аляхно.
Напярэдадні ў сербскай сталіцы, дзе ў дваццатых чыслах мая пройдзе папулярны песенны конкурс, пачаліся трэніровачныя выступленні спевакоў. Руслан Аляхно прапанаваў не толькі добрую песню, але і арыгінальны яркі нумар, пастаноўкай якога займаліся грэчаскія спецыялісты. Так што ў беларускага выканаўцы ёсць усе шанцы выйсці ў фінал конкурсу.
Нагадаем, "Еўрабачанне-2008" складаецца з двух паўфіналаў і фіналу. Першы паўфінал пройдзе 20 мая. Руслан Аляхно выступіць у другім - 22 мая пад дзевятым нумарам.
//Белтэлерадыёкампанія
Даслаць камэнтар