Грамадскі транспарт у Мінску на некаторых маршрутах будзе працаваць усю навагоднюю ноч. Пра гэта паведамілі БелаПАН у дзяржаўным прадпрыемстве "Сталічны транспарт і сувязь".

З 0.00 да 5.00 1 студзеня будуць рухацца аўтобусы па маршрутах: № 1 "Дыспетчарская станцыя (ДС) Вяснянка — вакзал", № 27 "ДС Ангарская-4 — Сасновы Бор", № 91 "Аўтавакзал (АВ) Маскоўскі — Вяснянка" з інтэрвалам 15 хвілін; № 100 "Аэрапорт "Мінск-1" — АВ Маскоўскі" з інтэрвалам 8 хвілін; № 95 "ДС Славінскага — Сцяпянка" з інтэрвалам 21 хвіліна.

Будзе арганізаваны рух тралейбусаў па маршрутах: № 1 "ДС Зялёны Луг-7 — АВ Маскоўскі", № 13 "ДС Захад-3 — Гарадскі Вал", № 41 "Малініна — ДС Уручча-2", № 65 "ДС Малінаўка-4 — Дружная" з інтэрвалам 15 хвілін.

Трамваі будуць хадзіць па маршрутах: № 1 "Пл. Мяснікова — ДС Зялёны Луг", № 3 "Серабранка — Возера" з інтэрвалам руху 15 хвілін.

Да 3.00 будуць працаваць аўтобусы: № 29 "ДС Кунцаўшчына — ДС Кульман", № 52 "ДС Лошыца — вакзал", № 72 "ДС Шабаны — АС Аўтазаводская", № 73 "ДС Сярова — Вяснянка", № 99 "ДС Уручча-4 — 9-ы км", № 121 "ДС Кунцаўшчына — Сухарава-6" з інтэрвалам руху 15 хвілін; № 113 "АВ Маскоўскі — тубдыспансер" з інтэрвалам руху 30 хвілін; тралейбусы: № 26 "Чыжоўка — Кабушкіна", № 43 "ДС Дружная — ДС Сярова", № 48 "Сухарава — ДС Кунцаўшчына", № 51 "ДС Дружная — ДС Курасоўшчына", № 53 "ДС Малінаўка-4 — ДС Зялёны Луг-6", № 60 "ДС Ангарская-4 — ст. м. "Магілёўская", № 62 "ДС Уручча-2 — ДС Уручча-4" з інтэрвалам руху 15 хвілін.

Праца метрапалітэна 1 студзеня падоўжана да 2.30, пачатак працы пасля перапынку — 5.30.

БелаПАН