На гэтым тыдні з 2 курсу юрыдычнага факультэту Гарадзенскага Дзяржаўнага Ўніверсітэта была адлічана грамадзкая атывістка і пачынаючая журналістка Кацярына Бычак. Афіцыйнай прычынай пазначана “парушэньне правілаў унутранага распарадку ГРДзУ”.Але вельмі мала хто паверыў,што дадазеная прычына з’яўляецца сапраўднай. Таму варта даць слова самой дзяўчыне.

Кацярына Бычак: “Згодна загаду ад 23.10.2007 году я была адлічана з ГРДзУ.Пад парушэньнямі ў першую чаргу меліся на ўвазе пропускі,якія атрмаліся ў мяне на працягу верасьня. Але магчыма падумаць,што гэта не з’яўлялася адзінай і асноўнай прычынай. Бо ў прадстаўленьні дэкана на мае адлічэньне так сама быў адзначаны такі пункт,як “не суаднясеньне з маральным воблікам студэнта юрфака”. Цікава,а дзе пазнаначна,які маральны воблік павінен быць у студэнта?

Я лічу,што прычын майго адлічэньня было вельмі шмат. Гэта і мой удзел у абароне Горадні ад разбурэньня, і “наведваньні” мяне супрацоўнікамі КДБ, і спробы выказаць сваю думку,не суадносячуюся з дзяржаўнай ідэалогіяй, на шматлікіх практычных занятка ва ўніверсітэце.

Яшэ справа ў тым,што ў дэкана майго факультэту вясной заканчваецца тэрмін пасады,і для пасьпяховага балятаваньня на наступны тэрмін ей зусім не патрэбен такі “небясьпечны элемент”,як упартая дзяўчына,якую не “заткнуць” не пагрозамі,не ўгаворамі.

Што тычыцца акадэмічнай пасьпяховасьці,дачапіцца да чагосьці магчымасьці не было. Толькі пропускі- і я як апошні дурань сама дала магчымасьць дачэпкі.

Таму парада ўсім моладзевым актывістам.Людзі,ведаючы сітуацыю,не давайце ні якай магчымасьці ,нават маленькай дачапіцца да Вас. І трымайцеся!”

Моладзь.ORG