Маляўнiчыя краявiды, легенды i таямнiцы розных мясцовасцяў, рэдкiя рамёствы i малавядомыя факты з "бiяграфii" таго цi iншага раёна Беларусi — усё гэта захапляе, прыцягвае i ўражвае. Аўтары праекта "Зямля беларуская", што ідзе ў эфiры Першага канала, прызнаюцца, што ніколі не ставілі сабе за мэту пераказваць турыстычныя даведнiкi. Галоўная задача — у кожнай серыi, пра якi б раён нi iшла гаворка, паказаць тое, аб чым не расказвалi i не паказвалi дагэтуль. Карэспандэнтам удалося адшукаць самабытныя гiсторыi i легенды пра ўзнiкненне мясцiнаў — няхай яны нават не маюць пад сабой дакументальнага пацвярджэння, крытэрам для адбору была незвычайнасць i адметнасць. Калi гісторыі пераказваюцца ў раёне з адных вуснаў у другiя ад аднаго пакалення другому, значыць пра гэта цiкава будзе даведацца i iншым людзям. Цікава, што аповед у фільме, кожны з якіх працягваецца каля трынаццаці хвілін, ідзе ад першай асобы. Складваецца ўражанне, нібы ты насамрэч патрапіў у Белавежскую пушчу ці Ружаны, дзе мясцовы жыхар павольна распавядае пра край.