Сталіцай XVII Дня беларускага пісьменства стане горад Хойнікі Гомельскай вобласці, паведаміла сёння на прэс-канферэнцыі першы намеснік міністра інфармацыі Беларусі Лілія Ананіч, перадае карэспандэнт БЕЛТА.

Кожны невялікі беларускі гарадок мае права стаць цэнтрам гэтага свята, але ёсць сярод іх асаблівыя. Каб атрымаць святочную эстафету, паміж гарадамі існуе некаторае саперніцтва. Прапановы ад тых, хто бачыць сябе сталіцай Дня беларускага пісьменства, паступаюць у арганізацыйны камітэт (аргкамітэт цяпер узначальвае віцэ-прэм'ер Уладзімір Патупчык).

Дзень беларускага пісьменства разам з "Дажынкамі" - традыцыя, калі горад не толькі прымае гасцей, але і абнаўляецца. Але аргкамітэт стараецца прытрымлівацца справядлівасці, каб свята праходзіла кожны год у розных абласцях.

Алена Барысава — галоўны рэдактар тэлеканала "Магiлёў-2", дзе штодзённы выпуск навiнаў i ўсе аўтарскiя праекты журналiстаў робяцца толькi на беларускай мове.

— Вось паглядзi, сёння на студыю прыйшоў лiст ад жыхара Магiлёва, якi хоча, каб у цэнтры горада ўсталявалi помнiк значнаму беларускаму дзеячу, — апярэдзiла першае пытанне iнтэрв'ю калега.

— Так, чытаем: Яўген Андрэенка лiчыць, што такой павагi заслугоўваюць Цiшка Гартны i Максiм Гарэцкi. Сваю "неабыякавасць i заклапочанасць" чалавек адрасуе ў Таварыства беларускай мовы, вядомаму магiлёўскаму гiсторыку Iгару Пушкiну i табе. "Хто ж паклапоцiцца пра гэтую спадчыну, як не мы самi?" — рытарычна пытаецца магiляўчанiн. Алена, цi адчуваеш ты сябе абаронцам спадчыны i прынамсi беларускай мовы?

"Роднае слова! Ты — акраса нашага жыцця — iснавання. Ты жывеш i жыцiмеш як дзiвосны скарб беларусаў i ўсёй Славii, як найчысцейшая крынiца, што наталяе смагу славянскай першароднасцi, яе вытокаў".

Так гаворыць пра беларускую мову Павел СЦЯЦКО, доктар фiлалагiчнах навук, прафесар, выдатнiк адукацыi Рэспублiкi Беларусь, заснавальнiк кафедры беларускага i тэарэтычнага мовазнаўства ў Гродзенскiм дзяржаўным унiверсiтэце iмя Янкi Купалы. У яго скарбонцы на сёння 530 публiкацый, у тым лiку 36 кнiг (манаграфii, слоўнiкi, навучальныя дапаможнiкi i падручнiкi), па якiх вучацца студэнты каледжаў, ВНУ, усе, хто цiкавiцца мовазнаўствам не толькi ў нашай краiне, але i за яе межамi. I яшчэ тры кнiгi павiнны выйсцi ў гэтым навучальным годзе — "Беларуска-руска-англiйска-нямецкi фiзiчны слоўнiк", "Нарысы культуры мовы" i "Прозвiшчы Гродзеншчыны".