Княгіня Эльжбета Радзiвiл заяўляе, што, калi б Радзiвiлаў не прымусілі з’ехаць з Беларусі ў 1939-м годзе, сёння яны бы абавязкова размаўлялі на роднай мове.

Усяго праз два месяцы пасля гучнага вiзiту князёў у Беларусь яны таемна прыехалi ў Нясвiж на тыднёвы адпачынак.Калi ў канцы мая я развiтваўся ў мiнскiм аэрапорце з князёўнай Эльжбетай Радзiвiл, яна пацiснула мне руку i заўважыла: «Калi атрымаецца, хачу гэтым летам прыехаць у Нясвiж проста адпачыць…».

Я ўзрадваўся гэтым словам, аднак такi помысел падаўся мне не зусiм рэальным. Панi Эльжбеце 91 год, за 4 днi ў Беларусi яна моцна стамiлася: сустрэчы, экскурсii, падарожжы… Ды i дарога Варшава—Мiнск для чалавека паважнага ўзросту не тое каб лёгкая. Якое ж было маё здзiўленне, калi з Варшавы прыйшла вестка ад Мiкалая Радзiвiла па электроннай пошце: едзем!.. Амбасада Беларусi ў Варшаве без затрымкi выдала князям бясплатныя вiзы. Дэлегацыя Радзiвiлаў гэтым разам была крыху меншая, чым два месяцы таму: не дзесяць прадстаўнiкоў Сям’i, а ўсяго чатыры: князi Мацей, Мiкалай i Марцiн Радзiвiлы i, натуральна, панi Эльжбета. Праграмы асаблiвай не было: князi ехалi адпачываць.

З адпаведным заклікам да швэдзкага ўраду і грамадзтва зьвярнулася Швэдзкая народная партыя — лібэралы.

Як гаворыцца ў заяве, падрыхтаванай актывісткай партыі, адказнай за пытаньні вонкавай палітыкі, Біргіты Ольсан, “надышоў час зьмяніць назву апошняй эўрапейскай дыктатуры. Па-швэдзку яна звыкла завецца Vitryssland, а не Belarus.

Узьнікае пытаньне: як мы можам разглядаць праблемы дэмакратычнай Беларусі, калі нават мала хто са швэдаў ведае, што такая краіна існуе, калі многія проста лічаць яе часткай Расеі?“

23 ліпеня палітпрызыўніку Франаку Вячорку афіцыйна вынесена адно з найбольш жорсткіх дысцыплінарных спагнаньняў, прадугледжаных арт. 49 Дысцыплінарнага статуту Узброеных сілаў: змяншэньне адпачынку за ўвесь перыяд вайсковай службы да 5 сутак (наступнае і найбольш жорсткае пакараньне — гаўптвахта). Ф.Вячорка пакараны за ўжыванне каманды «Зважай!» замест «Смирно!».

Ініцыятыва пакарання належыць псіхолагу в/ч № 48694 старшаму лейтэнанту Дзянісу Казаку. Адказнасць за пакаранне нясе намеснік камандзіра батальёну па ідэалогіі маёр Уладзімір Ігнацік. Такім чынам, упершыню ў гісторыі незалежнай Рэспублікі Беларусі беларускі салдат пакараны за ўжыванне беларускай мовы ў войску.

Праграміст Алег Азароўскі — з ліку людзей, якія застаюцца «за кадрам». Стварыўшы самастойна беларуска‑расійска‑беларускі кампутарны перакладнік «Белазар», над якім сядзеў бы крукам цэлы даследчы інстытут, ён не атрымаў вялікай вядомасці. З’яўленне сёлета новай версіі «Белазару» — добрая нагода для гутаркі.

«Наша Ніва»: Алег, вашая праграма дапамагае ўзбагаціць слоўнікавы запас. Ці атрымлівалі Вы самі карысць ад распрацоўкі ў часе свайго навучання?

Алег Азароўскі: Я пачаў распрацоўку «Белазару» ўжо пасля заканчэння навучання на факультэце прыкладной матэматыкі БДУ. А вось беларускую і расійскую мовы я вывучаў толькі ў школе. Таму давялося асвяжыць веды — праштудыяваць дапаможнікі па лінгвістыцы.

67 месцаў адведзена для Беларусі па праграме Еўрасаюза “Эразмус Мундус”, якая дае права навучацца ў Еўропе і стыпендыю ў 2 тысячы еўра

У гэтым годзе 67 беларускіх студэнтаў могуць прайсці навучанне па праграме “Эразмус Мундус”. Гэта праграма для студэнтаў і выкладчыкаў з ВНУ, якія змогуць навучацца ці выкладаць у еўрапейскіх універсітэтах. З Беларусі ўжо прынятыя 4 студэнты і 2 стыпендыяты. Пра гэта Еўрарадыё распавяла прэс-сакратар камісіі ЕС па адукацыі, культуры і пытаннях моладзі Сафі Андэрсан:

"У нас зарэзервавана для Беларусі 67 месцаў — для студэнтаў, якія будуць навучацца па праграме, якой кіруе Універсітэт Дэуста ў Іспаніі, для людзей з Беларусі, якія будуць навучацца па-іспанску. І ўжо прынята на 2009-2010 год 4 студэнты і 2 стыпендыяты".

Пачынаецца чарговы восьмы набор на праграму  „Study Tours to Poland” - адукацыйныя візыты для студэнтаў зь Беларусі, Украіны й Расеі.Польска-Амэрыканскі фонд Свабоды, Калегія Ўсходняй Эўропы імя Яна Новака-Эзеранскага, фонд "Барусія", а таксама фонд "Адукацыя для дэмакратыі" запрашаюць актыўных студэнтаў на двухтыднёвую стажыроўку ў акадэмічных цэнтрах Польшчы.

Мэта праграмы - паказаць Польшчу, наблізіць яе да ўсходніх партнэраў. У межах інтэнсыўнага двухтыднёвага прыбываньня ў Польшчы, якое будзе каардынавацца дасьведчанымі грамадзкімі арганізацыямі, удзельнікам будуць прадастаўленыя магчымасьці:

- пазнаёміцца з дзейнасьцю польскіх акадэмічных цэнтраў, даведацца аб працы грамадзкіх арганізацыяў;
- сустрэцца зь вядучымі грамадзкімі дзеячамі Польшчы;
- прыняць удзел у лекцыях, сэмінарах, майстар-клясах, культурных мерапрыемствах.

Беларускі гурт Mauzer разам з украінцамі «Тартак» сталі хэдлайнэрамі трэцяга рок-фэстывалю «Бандерштат», які пройдзе непадалёк ад Луцку ў трэці раз. Фэст праводзіць моладзевая арганізацыя «Нацыянальны альянс» і да ўдзелу клікаюць толькі тых выканаўцаў, творчасьць якіх мае «праўкраінскі зьмест». Для беларускага гурта вырашана было зрабіць адзінае выключэньне.

«Бандерштат» — адзін з самых буйных украінскіх патрыятычных фэстываляў. Абавязковая ўмова — сьпяваць па-ўкраінску. Арганізатары з арганізацыі «Нацыянальны альянс» перакананыя ў тым, што фэст мае засьведчыць украінскую нацыянальную еднасьць, а таму прымаюць заявы выключна ад гуртоў, якія апяваюць дадзеную тэматыку. У выніку пры канцы чэрвеня быў абвешчаны сьпіс удзельнікаў канцэртнай праграмы трэцяга «Бандерштату», а таксама хэдлайнэры першага і другога дня.

Калі ў чэрвені 1989 года палякі ішлі галасаваць на дэмакратычных выборах, якія сталі вынікам перамоваў “Салідарнасці” з кіраўніцтвам краіны, ніхто не мог прадбачыць, што на працягу двух наступных гадоў адным з далёкіх вынікаў гэтага польскага поспеху будзе распад Савецкага Саюзу і пачатак незалежнай Беларусі.

Для Польшчы 1989 год з’яўляецца адной з найважнейшых датаў у гісторыі. Ці мае 1991 год падобнае значэнне для Беларусі? Як беларусы ўзгадваюць перамены 1989 і 1991 года?

Ці можна параўнаць папярэднія 20 гадоў у Польшчы і Беларусі? Як склаліся лёсы дзвюх дзяржаваў-суседак і ці маглі яны скласціся інакш?