Новы год звычайна звязваюць з надзеямі на лепшае, таму няхай усё добрае, што радавала нас у гэтым годзе, абавязкова знойдзе свой працяг у году надыходзячым. Няхай Новы год падаруе табе дабрабыт, выкананне запаветнай мары, умацуе веру ў будучыню, а поспех спадарожнічае ва ўсіх распачынаннях заўсёды і ва ўсім.

З Новым годам!

Ва ўсім сьвеце праводзяцца традыцыйныя сьвяточныя распродажы. На перадкалядныя і пераднавагоднія дні прыпадае да чвэрці гадавой гандлёвай выручкі. Якімі зьніжкамі і распродажамі парадуе беларусаў перадсьвяточны гандаль.

Сёлета беларускім прамысловым прадпрыемствам і гандлю “рэкамэндавана” рабіць зьніжкі. Магчыма, ня столькі ў зьвязку з Калядамі, колькі ў зьвязку з тым, што прамысловасьць працуе фактычна на склад: Беларусь з-за крызісу страціла рынкі збыту. Начальнік упраўленьня гандлю і паслугаў Менгарвыканкаму Людміла Петракоўская распавяла:

“Плянуецца правесьці больш за 1 тысячу калядных распродажаў па зьніжаных коштах. Тут будуць прадавацца тавары са зьніжкамі ня толькі з боку гандлю, але і з боку прамысловасьці. Чым больш дасьць прамысловасьць, тым больш, натуральна, зьнізіцца адпускная цана, зьменшыцца гандлёвая надбаўка і зьнімецца яшчэ больш для насельніцтва”.

Двайны клік мышкі як згода. Утульнае крэсла, нямытыя кубкі і талеркі ля працоўнага стала. Трошкі сутулая сьпіна і чырвоныя вочы. Не адцягваць увагу: чалавек сядзіць у Інтэрнэце.

Паслугі, якія прапаноўвае інтэрнэт, так імкліва зьмяняюцца і ўдасканальваюцца, што не пасьпяваеш за імі. Людзі шукаюць адказы на пытаньні да кантрольнай працы не ў бібліятэцы, а праз сеціва, вызначаюць дыягназ паводле словаў і рэкамендацыяў віртуальнага доктара, знаёмяцца са сваімі другімі паловамі праз адпаведныя сайты, у Інтэрнэце таксама можна і шлюб зарэгістраваць – віртуальны, зразумела. А слова “загугліць” стала такім жа ўнівэрсальным як “пайсьці”, “пеасьці”, “напісаць” і “прачытаць”.

Уявім наступную сітуацыю: толькі Вы і Ваш кампутар. Цэлы дзень. У адной прасторы. Не выходзячы за межы кватэры. Ці атрымаецца выжыць?

Галерэя “Подземка”. Праект «Беларускiя жывёлкi».

Дэманструецца серыя скульптур, сабраных з пазлаў, цацак “made in china” і йншых танных кітайскіх тавараў шырокага ўжытку. Як вядома, у арыгінале скульптуры павінны быць выконанымі ў такіх матэрыялах, як дрэва, метал, фарфор… Такім чынам, выстава дэманструе мастацкія творы і ў той жа час пародыю на іх.
Недастатковае фінанасаваньне (па астаткавым прынцыпе) дзяржавай разнастайных формаў беларускага мастацтва прывяло да таго, што зьніжаецца ўзровень культуры і да таго, што наш час характарызуецца адсутнасьцю мастацкага густу ў значнай часткі насельніцтва сінявокай Беларусі. Месца якасных сучасных мастацкіх вырабаў займаюць псеўдакультурныя вырабы міліённых тыражоў. Мэта выставы – прыцянуць увагу людзей разнастайнага сацыяльнага статусу, палавой прыналежнасьці, рознага заробку і занятасьці на дадзеную праблему. Псеўдавыства пра псеўдакультуру зьдзіўляе, усьміхае і прымушае задумацца над тым, як масавае перамагае сапраўднае.

1-5 сакавіка 2009 году ў Бэрліне і Дрэздане адбудзецца культурніцкі абмен. Арганізатары – нямецкае студэнцкае таварыства “Лагода” – запрашаюць да ўдзелу маладых беларусаў, якія займаюцца мастацтвам у розных праявах. Візыт улучае ў сябе экскурсыі, наведваньне вядомых культурных цэнтраў, артыстычных салёнаў, музэяў, галерэяў, сустрэчы з нямецкай творчай моладзьдзю (напрыклад, знаёмства і сумесны майстар-кляс з бэрлінскай тэатральнай групай). Апроч азнаямленьня з творчым ланшафтам і магчымасьцямі самарэалізацыі ў Нямеччыне, візыт дае шанс беларускім творцам выступіць на нямецкай сцэне і завязаць карысныя кантакты са сваімі калегамі-аднагодкамі, а таксама людзьмі, якія займаюцца арганізацыяй культурніцкіх мерапрыемстваў і прамоцыяй беларускай культуры.

На гэтым тыдні беларуская сацыяльная сетка PARTA.BY праводзіць навагоднюю віктарыну “Будьзма за Партай”. З падарункамі, зразумела :)

Віктарына прысвечана гісторыі Беларусі, а для таго, каб прыняць у ёй удзел, дастаткова зарэгістравацца на сайце www.parta.by

Правілы віктарыны простыя – заходзьце кожны дзень на Парту, выбірайце правільныя адказы на пытанні з ліку прапанаваных і будьзце ў ліку пераможцаў. Дарэчы, падарункі пераможцам будзе ўручаць кампанія “Будзьма!” (сайт: http://budzma.org), сумесна з якой і праводзіцца дадзеная віктарына.

Такую інфармацыю агучылі прадстаўнікі расейскага RU-Center 17 снежня падчас семінара «Распрацоўка інтэрнэт-праекту, ці як вырашыць задачы бізнэсу».

Па заяве прадстаўнікоў Ru-Center, кампанія плануе заняцца рэгістрацыяй даменных імёнаў у зоне .BY, паведамляе Electroname.com.

Паводле паведамлення прэс-службы RU-Center, ажыўленай дыскусіяй быў адзначаны даменны блок, у межах якога супрацоўнікі RU-CENTER распавялі аб сусветным даменным рынку, тэндэнцыях развіцця даменаў RU і SU, а таксама аб апошніх навінках - запуску TEL і кірылічных даменных імёнах. Вікторыя Бунчук, вядучы спецыяліст дэпартамента па сувязях з грамадскасцю RU-CENTER, агучыла рэкордныя лічбы другаснага рынка, распавяла аб поспеху рэгістрацыі кірылічных імёнаў у зоне SU.

Ва унівэрсітэтах зарэгістраваны самы высокі паказальнік наведваемасці студэнтамі заняткаў за апошнія чатыры месяцы. Даследчкі вылучаюць некалькі прычынаў: эканамічны крызіс, халоднае надвор’е, папулярнасьць мода на веды, але самай папулярнай застаецца - пачатак сэсіі.

Кожны семестр пачынаецца аднолькава: лекцыі – цікавыя і занудныя, перапынкі – хуткія і маленькія, аудыторыі – напоўненыя людзьмі і паўпустыі і словы выкладнікаў: “Займайцеся сыстэмна! Хадзіце на заняткі і ў час здавайце ўсе працы!” Ёсьць людзі, якія паслухмяна гэта выконваюць. Але ёсьць іншыя ( і, па праўдзе, сярод маіх знаёмых іх больш), якія спачатку абяцаюць старанна вучыцца, але здараецца так (з пытаньнямі “Ну за што мне гэта?”), што ўсю праграму семестру прыходзіцца вывучыць самастойна за тыдзень-два. І там як пашанцуе: здаем з першага, другога, трэцяга ці …наццатага разу.

Апошнія дні адзначыліся IV Тыднем нефармальнай адукацыі і асьветы “БЕЛАРУСЬ СУЧАСНАЯ”.

У перыяд з 6 па 14 сьнежня 2008 г. у Менску, Гомелі і Горадні адбыліся адукацыйных мерапрыемствы, прэзентацыі, дыскусіі, аб’яднаныя адной мэтай – прыцягнуць больш увагі да ролі нефармальнай адукацыі ў развіцці чалавечага, грамадскага, нацыянальнага і міжкультурнага патэнцыялу краіны і яе грамадзян.

У межах IV Тыдня нефармальнай адукацыі і асьветы “Беларусь сучасная” ў Мінскім міжнародным адукацыйным цэнтры імя Йаханэса Рау прайшло паседжанне навуковай кавярні “Адукацыя дарослых”. У сустрэчы ўзялі ўдзел больш за 30 прадстаўнікоў грамадскіх аб’яднанняў, прыватных адукацыйных цэнтраў і дзяржаўных установаў павышэння кваліфікацыі. Тэма сустрэчы – адукацыя дарослых як прадмет адукацыйнай палітыкі - разглядалася ў двух аспектах: Месца і роля дадатковай адукацыі дарослых ў праекце Кодэкса аб адукацыі і Еўрапейскія тэндэнцыі і рэкамендацыі, выкладзеныя падчас падрыхтоўчай агульнаеўрапейскай канферэнцыі CONFINTEA VI, якая адбылася ў Будапешце 3-5 снежня 2008 г.

Папулярныя ў асяродку кінаманаў сэансы “элітнага кіно” у рамках “Кінафармату 4х4” на гэтым тыдні пройдуць у апошні раз.

Альтэрнатыўныя паказы камэрцыйнаму галівудзкаму кіно былі запачаткаваныя ў 2002 годзе і гледачы пасьпелі паглядзець больш за тры сотні ўзораў “фільмаў не для ўсіх”. “Кінафармат 4х4” знаёміў гледачоў як з працамі сусьветна вядомых рэжысэраў, так і з мала вядомымі некамэрцыйнымі стужкамі. Чым тлумачыцца адмова ад пасьпяховага праекту?

Апошні паказ фарматнай “чацьвёркі”, альтэрнатыўнай масаваму кіно, адбудзецца 18—21 сьнежня ў менскіх кінатэатрах “Аўрора”, “Перамога”, “Мір” і “Цэнтральны”. Гледачам прапануюць ірляндзкую мэлядраму “Аднойчы”, канадзкую камэдыю “Стагодзьдзе вар’яцтва” і два трылеры — амэрыканскі “У даліне Эла” і ганконскі “Шалёны сьледчы”. 

14-га снежня ў мінскім клубе «DaClub» мусіць адбыцца музычны фэст «Хопіць вучыцца – адпачні перад сесіяй!», які ладзіць моладзевы інтэрнэт-рэсурс Моладзь.ORG.

Удзел бяруць вядомыя беларускія гурты. Якія зайграюць, як вядомыя гіты, так і новыя песні. Сярод удзельнікаў “Partyzone”, “Крок”, Vinsent і інш.

У гэты вечар для моладзі выступіць вядомы беларускі рок-гурт, пераможца музычнага фэсту “Басовішча” – “Partyzone”, які ў гэты дзень зайграе вядомыя гіты. Нечаканым сюрпрызам стала для арганізатараў мерапрыемства ўдзел маладога спявака Vinsenta, які згадзіўся заграць новыя песні са свайго альбому яшчэ да афіцыйнай яго прэзентацыі, якая плануецца неўзабаве.

Сёньняшняя зіма пакуль што ня радуе і ня балуе беларусаў сьнегам. Нашы бабулі , дзядулі і бацькі ўзгадваюць, як у сваю маладосьць гойсалі з гары на лыжах, каталіся на санках, гулялі ў сьняжкі і каталіся на каньках. Паколькі прыродныя ўмовы для гэтага ня склаліся ў годзе бягучым, застаецца сядзець дома, уяўляць, што было б…, сумаваць… Хоць… Стойце! Можна ж пайсьці ў лядовы палац. Сьнегу там наўрад ці знойдзеш, але лёд ёсьць дакладна!

Бабруйск і Наваполацк, Пружаны і Горадня, Жлобін і Менск, Гомель і Віцебск… Гэтыя гарады аб’ядноўвае тое, што там ёсьць лядовыя палацы – нашумелыя сваім будаўніцтвам, але не заўсёды папулярныя сярод жыхароў Беларусі.

Колькі ж каштуе пакатацца на лёдзе?

“Мінскі лядовы Палац спорта” (ст.м.Спартыўная) лічыцца лепшым льдом краіны і ў пляне акупаемасьці унікальны аб’ект – ён поўнасьцю сам сябе забясьпечвае, дзякуючы платным гуркам для дзяцей, правядзеньню хакейных і йншых масавых спаборніцтваў. Апроч таго, прыкладна 20 тысяч наведвальнікаў кожны месяц наведваюць Палац.

Марыць – гэта ў два гады дужа хацець марозіва, калі мама кажа, што няма грошай, а бабуля – што з хворым горлам нельга.

Марыць – гэта ў тры гады моцна-моцна хацець езьдзіць на ровары, як дарослы, і такі адкруціць самому два запасных дзіцячых колы, праехаць “бяз рук”, упасьці, разбіць калені і локці, але адчуць сябе больш самастойным чалавекам.

Марыць – гэта калі твае бацькі спачатку ня ведаюць пра тое, што ў шэсьць год ты вельмі хочаш граць на музычным інтруменце, а у сем год купляюць табе нямецкае фартэп’яна.

Марыць – гэта паехаць такі з бацькамі на мора, абгарэць там у першы жа дзень, аб’есьціся кавунамі і кальмарамі і набраць усім знаёмым ракушак на памяць і ў падарунак, бо за іх ня трэба плаціць (палова з іх застанецца на вакзале, бо вельмі цяжкія сумкі).