У сувязі з набліжэннем калядных і навагодніх святаў Міністэрства лясной гаспадаркі ўзмацняе ахову лясных масіваў. Ва ўсіх лясгасах ствараюцца спецыяльныя брыгады па ахове лясных масіваў, устанаўліваюцца штагбаумы пры ўездзе ў лясную зону, правяраецца транспарт на выездзе з яе.

30‑га лістапада ў Горадні прэзэнтуюць унікальнае шматмоўнае выданьне «Песьня пра зубра» Міколы Гусоўскага.

Еўрарадыё паспрабавала даведацца, ці з’явяцца ў эфіры беларускіх радыёстанцый песні НРМ, Нейра Дзюбеля, Крамы і астатніх, раней забароненых гуртоў пасля сустрэчы апальных музыкаў са спадаром Праляскоўскім.

У Гродне 2 снежня ўпершыню пройдзе фест незалежных музычных кліпаў, якіх няма ў ратацыі дзяржаўных тэлеканалаў.

На зьмену Валерыю Ланавенку, які сышоў у Apple, прыйшоў былы прэзыдэнт расейскай «Комстар‑ОТС» Эрык Франке.

Разам з галяндцам Эрыкам Франке адказнасьць за дзейнасьць Microsoft у нашай краіне нясе мэнэджар Microsoft па працы з партнэрамі ў Беларусі Андрэй Баюшчанка, паведамляе «Ежедневник». Паводле зьвестак «Е», новы кіраўнік украіна‑беларускага прадстаўніцтва Microsoft неаднаразова выклікаў нараканьні з боку ўласьнікаў «Комстар‑ОТС» за марудныя тэмпы разьвіцьця кампаніі. І, нібыта, украінскі офіс Microsoft чакае тое самае. Адзначаецца, што з моманту, калі беларускі рынак з зоны ўплыву маскоўскага прадстаўніцтва кампаніі фармальна перайшоў пад кіраўніцтва ўкраінскага офісу, у нас спыніліся рэформы і фінансаваньне софтвэрных праектаў. Адзіным выйсьцем з сытуацыі спэцыялісты лічаць адкрыцьцё ў Менску асобнага рэгіянальнага прадстаўніцтва, што можа адбыцца ў 2009 г. Аднак усё будзе залежыць ад аб’ёмаў яго фінансаваньня.

Сёньня ў канцэртнай зале "Менск" праходзіць чарговы XIX зьезд Беларускага саюзу мастакоў. У працы зьезду бяруць удзел каля 250 дэлегатаў і гасьцей. У першай палове дня яны заслухаюць і абмяркуюць справаздачу старшыні БСМ Уладзімера Басалыгі аб працы арганізацыі. Затым адбудуцца выбары новага старшыні і кіруючых органаў саюза.

“За тры гады мы зрабілі 880 выставаў, праектаў і плэнэраў, -- паведаміў Радыё Свабода старшыня Беларускага саюзу мастакоў Уладзімер Басалыга, -- і шэраг пасьпяховых замежных праектаў – ў Парыжы, Рыме, Жэнэве ды іншых гарадах сьвету. Апроч гэтага самі мастакі арганізавалі вельмі шмат экспазыцый за мяжой”.

На сёньня ў Беларускім саюзе мастакоў каля 1200 сяброў, каля 70% маюць майстэрні. Аднак многія з іх цяпер патрабуюць рамонту.

Увечары 27 лістапада ў адным з мінскіх клубаў ўсё ж такі адбылася прэзентацыя новага альбома гурта Neuro Dubel "Stasi".

Рыхтуюцца зьмены да ўказу прэзыдэнта №80 аб новых правілах прыёму абітурыентаў у вышэйшыя навучальныя ўстановы. Адна з навацыяў — абітурыенты будуць атрымліваць рэкамэндацыі ў мясцовых органах улады для паступленьня на шэраг спэцыяльнасьцяў. Сярод іх — міжнароднае права, дзяржаўнае кіраваньне, журналістыка, правазнаўства і мытная справа.

Нагадаем, самы вядомы беларускі футбаліст збіраецца ўзяць шлюб з прыгажуняй Анастасіяй Касянковай. Гэтая ўрачыстая падзея запланаваная на лета 2008 года.

Тым часам, Аляксандр Глеб спадзяецца, што Міхалок зменшыць свой ганарар за выступленне на вяселлі ў два разы.   

Аднак скарыстацца ім пакуль што можна толькі ў памяшканнях абласной бібліятэкі імя Горкага ды ў залах двух пунктаў калектыўнага карыстання "Белтэлекама".
 
Як распавялі прадстаўнікі брэсцкага філіялу кампаніі дазволеная хуткасць падключэння да інтэрнэту складае 1 Мбіт у секунду.

 
Састарэлую камп’ютарную тэхніку ва ўсіх сталічных школах заменяць на новую да канца наступнага года. Гэта прадугледжана Комплекснай праграмай інфарматызацыі сістэмы навучання на 2007-2010 гады.
 
Праграма прадугледжвае таксама і распрацоўку айчынных электронных адукацыйных праграм. Цяпер школьнікі выкарыстоўваюць на ўроках больш за 200 камп’ютарных праграм, але аўтары большасці з іх — расійскія педагогі і навукоўцы.

Зь 1 сьнежня 2007 году будзе адноўленая праца раней зачыненых крамаў бязмытавага гандлю “duty-free”. Праўда, тэрмінам толькі на тры месяцы. З 1 сакавіка 2008-га ад паўсотні крамаў застануцца тры ў Нацыянальным аэрапорце “Менск”, а таксама некалькі для абслугоўваньня акрэдытаваных у Беларусі замежных дыпляматаў. Дадатковы пералік юрыдычных асобаў, якія змогуць адчыніць крамы на пунктах пропуску празь мяжу Беларусі, зацьвярджае кіраўнік краіны.

Беларусь наведалі прадстаўнікі France Telecom Group, аднаго зь вядучых сусьветных апэратараў сувязі – ТМ Orange. У часе сустрэчы зь кіраўніцтвам Мінсувязі вялося пра зацікаўленасьць FTG у інвэстыцыях у беларускі рынак.

За 7 дзён XIV Мінскага міжнароднага кінафэсту "Лістапад-2007" кінатэатры Мінска наведалі 39 тысяч гледачоў.

Пра гэта на закрыцці кінафорума паведаміў старшыня фэсту народны артыст Беларусі і СССР Расціслаў Янкоўскі. Сёлетні "Лістапад" выйшаў за межы сталіцы, яго мерапрыемствы праходзілі таксама ў абласных гарадах Беларусі. Там кінапраграмы фэсту наведалі 40 тысяч гледачоў.

Кампанія МТС ужо прыгатавала зімовы падарунак усім сваім абанентам, бо вядома ж чым мацней маразы, тым больш кожнаму чалавеку патрэбна нешта цёплае, каб сугрэцца, а цёплае слова ад любімых людзей здольнае пераадолець халады і растапіць лёд, а таксама зруйнаваць любую адлегласць дзякуючы мабільнай сувязі.

Але як кажа вядомая нам з дзяцінства прыказка «Бясплатны бывае толькі сыр ў пастцы». Неабыйшла гэта прыказка і новую акцыю МТС “2008 хвілін”.

Моладзевыя актывісты, прадстаўніцы "Беларускага Хельсінкскага камітэту" ды "Міжнароднай амністыі" правялі інфармацыйную кампанію, прысвечаную Сусветнаму дню барацьбы з гвалтам над жанчынамі.

Дзеянне адбылавалася з 12 да 14 гадзін у самых ажыўленых месцах Мінска у цэнтры горада: у гандлёвым цэнтры "Сталіца", на прашпэкце Незалежнасці ды ў ГУМе.

25 лістапада ў Мінску адбылася сустрэча прысвечаная абмеркаванню праблемы развіцця незалежнай культуры ў Беларусі.

На сустрэчы прысутнічалі вядомыя незалежныя Dj, Vj, музыканты, культурныя мэнэджэры, заснавальнікі Вольнага Тэатру, таксама быў запрошаны культурны мэнэджэр з Германіі. Яны распавялі пра неафіцыйную культуру ў нашай краіне. Нямецкі госць Мірко расказаў, што ў Германіі заўсёды існавала афіцыйная і незалежная культура. Атрымалася так, што ў 1989 годзе незалежная культура была на піке сваёй папулярнасці. Зараз нямецкая неафіцыйная культура з задавальненнем кантактуе з беларускай незалежнай культурай.

Ва ўсіх краінах заўсёды жадаюць злучыць афіцыйную і неафіцыйную культуру, але гэта ў прынцыпе не магчыма, таму асноўнай задачай развітых краін з’яўляецца спроба наблізіць дзве культуры.

Мэр Полацку Ўладзімер Тачыла пастанавіў, што правядзеньне фэсту «Рок-кола» у горадзе больш немэтазгодна. Стваральнік і дырэктар «Рок-Кола» Сяргей Анішчанка: «Цяпер у родным горадзе я ізгой».

Гарадзкое начальства Полацку на адной з сваіх нарадаў паслухала начальніка полацкай міліцыі Мікалая Асушчэнку і пастанавіла: «Рэкамэндаваць адказным асобам, што адказваюць за духоўнае выхаваньне моладзі ўстрымацца ад правядзеньня падобных мерапрыемстваў» (як фэст «Рок-Кола»). У дырэкцыі фэстывалю кажуць: «Самае цікавае, што няма прычыны па якой прычыне забаранілі наш фэстываль».

Аляксандар Лукашэнка падпісаў указ аб функцыянаваньні крамаў бязмытнага гандлю, вядомыя ва ўсім сьвеце як “Duty-free”.

Гэты дакумэнт дазваляе разьмяшчаць такія крамы выключна “у пунктах пропуску праз Дзяржаўную мяжу Рэспублікі Беларусь, якія знаходзяцца ў аэрапортах, адкрытых для міжнародных зносінаў”. Да таго ж такія крамы могуць ствараць альбо спэцыяльная службы “Дыпсэрвіс” Кіраўніцтва справамі прэзыдэнта, альбо юрыдычныя асоба, заснавальнікам якой з’яўляецца “Дыпсэрвіс”.

Як даведалася Еўрарадыё, “Мінсктранс” рыхтуецца да рэзкага павелічэння колькасці “зайцоў” і 17 снежня выведзе на лінію ўсіх сваіх кантралёраў.
 
З 17 снежня школьнікі, студэнты і пенсіянеры пазбавяцца льготаў на праезд. З гэтага часу ім давядзецца плаціць поўны кошт праезду, які цяпер складае 600 рублёў.

Напярэдадні Каляд і Новага году польскія гіпермаркеты сусветна вядомай сеткі TESCO упершыню распачалі рэкламную акцыю на беларускай мове.

Адмыслова дзеля беларусаў у гіпермаркетах TESCO распаўсюджваюцца рэкламныя праспекты «Для Цябе, для Сям’і», у якіх пакупнікам нагадваецца, што хутка свята Святога Мікалая, таму гасцей з Беларусі чакаюць добрыя зніжкі на вэнджаныя шпроткі ў алеі, каркавіну свіную без касцей, усе навагоднія цацкі, CD і DVD, экалагічныя торбы на ўсё жыццё, ялавічыну для смажанкі, пыласосы і іншыя тавары.

Рашэнне аб ільготах на праезд для студэнтаў павінна быць выпрацавана да сярэдзіны снежня. Аб гэтым, як паведамляюць афіцыйныя крыніцы, заявіў Аляксандр Лукашэнка 23 лістапада ў Магілёве ў гутарцы са студэнтамі мясцовых ВНУ.

Напрыканцы тыдня да нас завітаюць цёплыя паветраныя масы з боку паўднёвага захаду Еўропы. Пра гэта паведамiў начальнiк службы гiдраметэапрагнозаў Рэспублiканскага гiдраметцэнтра Дзмiтрый Рабаў.

Таму ўжо ў суботу-нядзелю на большай частцы тэрыторыi Беларусi пройдуць адносна цёплыя дажджы. Месцамi ў гэтыя днi ранiцай i ўначы будзе туман i галалёдзiца.

У Беларусі наспела неабходнасць павысіць плату за навучанне ў ВНУ. Такую заяву зрабіў першы намеснік міністра адукацыі Аляксандр Жук.

"Мы нікому не прадаваліся, і цану нам ніхто не прызначаў", — заявіў БелаПАН лідэр гурту "Нейра Дзюбель" Аляксандр Кулінковіч, каментуючы вынікі сустрэчы групы вядомых беларускіх рок-музыкантаў з кіраўніком галоўнага ідэалагічнага ўпраўлення Адміністрацыі прэзідэнта Алегам Праляскоўскім, якая адбылася 21 лістапада.

"Цяпер нас крытыкуюць з-за фразы, што нібыта прагучала, аб тым, што мы не будзем іграць на мітынгах апазіцыі. Можа, я ў запале няправільна сказаў, але такой фразы проста не было! Прагучала фраза Праляскоўскага: "Хлопцы, не лезьце ў палітыку". І менавіта з гэтай фразай мы пагадзіліся", — сказаў А.Кулінковіч.

У мінулую суботу ў клюбе на вул. Паповіча, які мясцовыя называюць “парлямэнт”, распачалася бойка паміж студэнтамі з розных унівэрсытэтаў, піша “Вечерний Гродно”. Паводле старшага сьледчага пракуратуры Кастрычніцкага раёну Юрыя Семенчука, ахова клюбу не дала рады моладзі і выклікала міліцыянтаў. Студэнты не здаліся “бяз бою”. Міліцыянты, якія ацанілі колькасьць удзельнікаў бойкі ў паўсотні чалавек, задзейнічалі фізычную сілу і спэцыяльныя сродкі. Ёсьць пацярпелыя. Цяпер, паводле “ВГ”, пракуратура высьвятляе наколькі правамернымі былі дзеяньні міліцыянтаў, і ўвогуле – хто каго зьбіваў.

У Мінску плануюць усталяваць помнік легендарнаму беларускаму футбалісту Аляксандру Пракапенку. З такой ініцыятывай выступілі “БелСвісБанк” і Беларуская федэрацыя футбола.
 
Аляксандр Пракапенка, гуляючы ў складзе мінскіх дынамаўцаў, вызначаўся выдатнай тэхнікай, быў адным з лепшых бамбардзіраў. Пракапенка быў кумірам беларускіх балельшчыкаў. У 1982 годзе ў складзе “Дынама” стаў чэмпіёнам СССР. Ён рана сышоў з жыцця – у 36 гадоў.

Вёў разьвітальную вечарыну Віктар Шалкевіч. Прымалі ўдзел «Apple tea», «Крамбамбуля», Ігар Варашкевіч, Руся і Аляксандар Кулінковіч.

Як стала вядома Еўрарадыё, на сустрэчы з лідэрамі гуртоў “Крама”, “N.R.M.”, “Палац” і “Нейра Дзюбель” кіраўнік ідэалагічнага ўпраўлення Адміністрацыі прэзідэнта Алег Праляскоўскі паабяцаў, што з беларускіх рокераў здымуць негалосную забарону на арганізацыю канцэртаў. А наўзамен папрасіў больш не выступаць на акцыях апазіцыі.

Па выніках трох конкурсных дзён XIV Менскага міжнароднага кінафэстывалю «Лістапад‑2007» лідзіруе нямецкі фільм «Жыцьцё іншых». Глядацкае журы паставіла карціне рэжысэра Флярыяна Хэнкеля фон Донэрсмарка 9,45 бала.

«Жыццё іншых» — дэбютная поўнаметражная карціна фон Донерсмарка, выпускніка Мюнхенскай кінаакадэміі. Сцэнарый да фільма напісаў сам рэжысёр. Дзеянне фільма пачынаецца ў 1984 годзе, калі ў ГДР працвіталі ўсеагульнае шпегаванне і даносы. На галоўныя ролі ў сваю карціну малады рэжысёр запрасіў вядомых нямецкіх акцёраў — Ульрыха Мюэ і Марціну Гедэк.

Заўтра пачне дзейнічаць новы закон “Аб рэкляме”. Тэлевізійны эфір моцна зьменіцца, і гэта можа парадаваць гледачоў.

Цяпер у прайм-тайме (18.00—20.00) рэклямы будзе ня больш як дваццаць хвілінаў на гадзіну. Пры гэтым гук рэклямных ролікаў паменшаць, каб не палохаць людзей у паўзах. А вось вытворцаў піва, мэдыкамэнтаў, тытуню чакае ня лепшы час: іх рэкляма будзе істотна абмежаваная. Трапіць у тэлеэфір і нават на старонкі газэт здолеюць нямногія.

Дзяржава не ахоўвае крыжы ў Курапатах. Пра гэта заявіла Міністэрства культуры Беларусі ў адказе на ліст грамадскасці ў сувязі з апошнімі актамі вандалізму ва ўрочышчы пад Мінскам, месцы пахавання ахвяраў масавых бальшавіцкіх рэпрэсій.

PTS`2007: ФОТАРЭПАРТАЖ тут

У гэтай школе Савецкага раёну сёньня толькі й размоваў што пра інцыдэнт, які здарыўся ў пятніцу падчас трэцяга ўроку другой зьмены.

Два п’яныя дзецюкі ўламіліся ў школу а 16.30. Адпіхнуўшы вахцёра, яны падняліся на другі паверх. Тут іх дагнаў дзяжурны настаўнік. Дарэчы, псыхоляг паводле адукацыі. Але суцішыць п’яных ён ня змог — адзін зь дзецюкоў выхапіў пісталет і прыставіў рулю да скроні пэдагога.

Буяноў удалося вывесьці на вуліцу. Але не пасьпеў вахцёр зачыніць дзьверы на зашчапку, як яны зноў уварваліся ўсярэдзіну. І, падняўшыся на другі паверх, пачалі ламіцца ва ўсе кабінэты запар. У кабінэце геаграфіі на іх дарозе стала настаўніца з швабрай у руках. А ў наступным кабінэце яны ўсчалі страляніну.

20 лістапада ў Менску прайшла прэзэнтацыя першага беларускамоўнага альбому гурту «J:морс» «Адлегласьць».
У дыск увайшло 11 песень, сярод якіх — тры песні па-беларуску з папярэдніх альбомаў («Жывi», «Так‑цi‑так», «Паветра»), два пераклады кампазіцый з рускай мовы («Маё сонца», «Глядзi») і шэсць новых запісаў. Аўтары ўсіх кампазіцый, акрамя адной народнай песні «Вярба», — удзельнікі гурту Уладзімір Пугач і Раман Арлоў.

Прадстаўнік Мытнага камітэта прызнаўся Еўрарадыё, што бачыў наш матэрыял пра памылкі ў мытнай дэкларацыі, і заявіў, што камітэт збіраецца звяртацца па дапамогу:

“Тое, што мы безумоўна звернемся па экспертызу да аўтарытэтных спецыялістаў – без усялякіх сумневаў, гэтую нататку мы не збіраемся пакідаць так проста.

Можа, паспяшаліся мы тады вельмі. Сам я не бачыў гэтую дэкларацыю і пакуль не меў стасункаў з чалавекам, які працаваў над гэтым”.

Розныя вераванні і погляды. У Цэнтральнай бібліятэцы імя Якуба Коласа адбылася прэзентацыя выставы “Выданні Віленскіх друкарняў 16 - пачатку 20 стагоддзя”.

Сяргей Сямёнаў атрымаў па пошце пастанову Вярхоўнага суду, які адмяняе рашэньне суду Гомеля аб прыцягненьні яго да адміністрацыйнай адказнасьці за адмову запоўніць мытную дэклярацыю на расейскай мове. Судзьдзя прысудзіла Сямёнаву штраф у памеры 30 базавых велічыняў.

Нягледзячы на тое, што па Канстытуцыi ў Беларусi дзве мовы (руская i беларуская) з"яўляюцца дзяржаўнымi, у рэальным жыццi адна з iх вiдавочна дамiнуе. Дзiўна, але ў Беларусi большасць насельнiцтва ўжывае не беларускую мову, а "русский язык". Чаму так адбываецца? Над гэтым пытаннем разважае старшыня Таварыства беларускай мовы iмя Францiшка Скарыны Алег Трусаў.

Выглядае на тое, што фэстываль «Рок-Кола» на Полаччыне прайшоў у апошні, 17-ты раз. Пастанова полацкіх сілавікоў: «Прыпыніць дзейнасьць рок-фэстывалю ў Полацку. Адзначыць незадавальняючую падрыхтоўку фэстывалю беларускай музыкі 26-27 кастрычніка і лічыць нямэтазгодным правядзеньне фэстывалю «Рок-Кола», бо яно не падпадае гістарычнай, духоўнай спадчыне горада Полацка і праваслаўю. Рэкамэндаваць асобам, што адказваюць за духоўнае выхаваньне моладзі ўстрымлівацца ад правядзеньня падобных мерапрыемстваў». Арганізатары «Рок-Кола-2007»: «Мы будзем праводзіць фэстываль. Няхай сабе па-за межамі Беларусі».

Першы пераклад твораў Васіля Быкава на іўрыт зрабіў Надзвычайны і Паўнамоцны Пасол Дзяржавы Ізраіль у Рэспубліцы Беларусь Зееў Бен-Ар'е.

Прэзентацыя першай работы - перакладу апавядання "Бедныя людзі" пройдзе 11 снежня ў Ізраільскім культурна-інфармацыйным цэнтры. Ён быў апублікаваны ў часопісе Саюза пісьменнікаў Ізраіля "Гаг" ("Дах") у канцы кастрычніка 2007 года.

Беларускі музыка, гітарыст гурта N.R.M. Піт Паўлаў бачыць мала сэнсу ад трансляцыі кліпаў альтэрнатыўных выканаўцаў у эфіры музычных каналаў. Так ён пракамэнтваў Рацыі адкрыццё на тэлеканале “БелМузТВ” адмысловай праграмы пра беларускую альтэрнатыўную музыку.

Дзяўчына, якая пацярпела праз выкладчыка‑наркагандляра, зможа аднавіцца толькі на платнае аддзяленьне — усе хадайніцтвы пра бюджэтную форму навучаньня адміністрацыя Гарадзенскага дзяржунівэрсытэту імя Я. Купалы адхіліла.

З 16 снежня ў эфіры тэлеканала «МузТВ» у Беларусі будзе выходзіць праграма, прысвечаная альтэрнатыўнай музыцы.

Як паведаміла БелаПАН генеральны прадзюсер тэлеканала спявачка Аляксандра Гайдук, 60‑хвілінная праграма «Нефарматная музыка» будзе выходзіць кожную нядзелю.

Рэспубліканскае грамадскае аб'яднанне "Беларуская асацыяцыя клубаў ЮНЕСКА" і радыё "Unistar" аб'явілі аб пачатку інфармацыйнай кампаніі, скіраванай на прафілактыку ВІЧ/СНІД і іншых інфекцый, што перадаюцца палавым шляхам, сярод мужчын-аўтамабілістаў і насельніцтва ў цэлым.

Як паведамляе прэс-служба праекта "Прафілактыка і лячэнне ВІЧ/СНІД у Рэспубліцы Беларусь", на радыё "Unistar" створаны тры ролікі ў выглядзе інтэрв'ю мужчын розных сацыяльных слаёў і ўзростаў, якія расказваюць аб тым, што купляць секс для іх — непрымальна. 

Пра гэта БелаПАН паведаміў Сяргей Сямёнаў, якому ўчора пры перасячэнні ўкраінска-беларускай мяжы прапанавалі дэкларацыю на беларускай мове.
 
Паводле яго слоў, у бланку дэкларацыі каля 20 граматычных памылак. У прыватнасці, замест "Звесткі аб таварах" напісана: "Сведкі аб таварах".

Гуру беларускага мадэльнага бізнэсу, які прасоўвае беларускіх дзяўчат на сусветны подыум, ужо другі раз знаёміцца з будучымі супермадэлямі выпадкова за столікам.
 
Сяргей Нагорны: "Пасля кастынгу, які праходзіў у “КЗ Мінск”, я з Канстанцінам Самарыным, які прадстаўляе амерыканскае агенцтва Fort Model, зайшлі ў рэстаран «Поющие фонтаны» і ў гэты ж час туды прыйшла Даша Аніськова са сваімі бацькамі".

У Баранавічах транспартнікі прагназуюць рэзкае павелічэнне “зайцаў” у грамадскім транспарце пасля 17 снежня, калі будуць адмененыя льготы на праезд для пенсіянераў, студэнтаў і школьнікаў.
 
У сувязі з гэтым адбываецца набор у кантралёры-пазаштатнікі. Пра гэта Еўрарадыё паведаміў інжынер аўтапарку Аляксандр Новікаў.

Шаноўная моладзь,  Даражэнькія студэнты!

Інтэрнэт-партал Мoladz.org  шчыра віншуе Вас са святам Дня Студэнтаў! Мы жадаем Вам поспехаў, плённай працы, моцнага здароўя, здзяйснення ўсіх мар, добрага настроя. Зычым толькі высокіх адзнак, задавальнення ад вучобы і лёгкай сесіі (якая ўжо хутка J). Няхай студэнцкія гады будуць для Вас самымы вясёлымі, бесклапотнымі і цікавымі,  каб нягледзячы на ўзрост Вы заўсёды заставаліся маладымі, прыгожымі, энэргічнымі, таленавітымі, разумнымі людзьмі.

Калегія імя Тэадора Хойса (праграма фонду Роберта Боша, Нямеччына) прадастаўляе магчымасьць беларусам, якія валодаюць нямецкай моваю, атрымаць навыкі праектнай дзейнасьці й зьдзейсьніць свой асабісты праект.

9-ты Мінскі міжнародны фестываль дзіцячага і юнацкага кіно "Лістападзік-2007" адкрываецца сёння. Урачыстая цырымонія адбудзецца ў сталічным кінатэатры "Піянер".

Кіраўнік працоўнай групы па распрацоўцы законапраекта аб інфармацыі, інфарматызацыі і абароне інфармацыі распавяла аб змесце дакумента. Таццяна Сафроненка заявіла, што ў законапраекце, які рыхтуецца да прыняцця Палатай прадстаўнікоў, няма ўзгадак пра Інтэрнэт і сайты.

13-гадовую вучаніцу сярэдняй школы Мэскоўта (штат Ілінойс, ЗША) адміністрацыя навучальнай установы пакарала за тое, што яна абняла двух сваіх сябрукоў, калі разьвітвалася зь імі напярэдадні выходных. Кіраўніцтва школы спасылаецца на тое, што дзяўчына парушыла правілы, якія забараняюць паказваць свае пачуцьці на тэрыторыі навучальнай. Ці ёсьць правілы прыватных стасункаў у беларускіх школах?

Ноч пажырацеляў рэкламы ў Мінску, пачнецца 17 лістапада ў вялікай зале сталічнага Палаца Рэспублікі за гадзіну да паўночы і скончыцца ў пяць раніцы. Насычаная праграма не дасць нудзіцца нікому. На суд гледачоў будзе прадстаўлена галерэя яркіх і крэатыўных рэкламных прынтоў, усю ноч будзе праходзіць дыскатэка ў рэстаране, а ў антрактах, у холе вялікай залы, госцяў будуць бавіць фрыкі, мімы і беларускія артысты. У кафэ Палаца Рэспублікі, адбудзецца дэгустацыя новых гатункаў піва ад "Крініцы".

Адзіны ў краіне Музей гісторыі і культуры яўрэяў Беларусі сёлета адзначае свой першы юбілей.

Гэта цэнтр, дзе збіраюць, захоўваюць і вывучаюць гісторыю і культуру яўрэйскага народа.

Беларускі ўрад збіраецца ініцыяваць прыняццё закона пра здароўе народа. Паводле яго маладым людзям да 21 года могуць забараніць ужываць спіртныя напоі. Пра гэта ў інтэрв’ю “Ежедневнику” заявіў віцэ-прэм’ер Аляксандр Касінец.

У мінулы чацьвер, а таксама ў суботу і нядзелю гомельскі Цэнтральны рынак “мінавалі” невядомыя – тэлефанавалі ратаўнікам і паведамлялі, што на рынку нібыта ёсьць выбухоўка. Усе тры разы на рынак выязжалі сапёры, пакупнікоў і супрацоўнікаў эвакуявалі, шукалі бомбу, якой, дзякаваць Богу, ні адзін раз не было.

Лідэр гурта «Палац» і вядучы радыёвэрсіі гіт‑параду «Тузін Гітоў» Алег Хаменка ўзяўся за праект «Беларускія народныя казкі». Наклад першай часткі гэтага грандыёзнага праекту быў раскуплены, а ўвесь ён — на 10 дысках — мае пабачыць сьвет да Калядаў. Алег Хаменка падрабязьней распавёў ТГ пра задуму перачытаць галоўныя беларускія казкі і прадставіў «Злую казку», сабраную з самых неўдалых момантаў запісу.

15 лістапада — Міжнародны дзень адмовы ад курэння. Ён традыцыйна праводзіцца кожны трэці чацвер лістапада па ініцыятыве Еўрапейскага бюро Сусветнай арганізацыі аховы здароўя (СААЗ).

Паводле даных СААЗ, штогод ва ўсім свеце тытунь забірае жыццё 5 млн. чалавек. Паводле прагнозаў экспертаў, да 2020 года тытунь стане асноўнай прычынай смяротнасці 10 млн. чалавек штогод.

Паводле інфармацыі Міністэрства аховы здароўя, сярод беларусаў курыць 64,1% мужчын і 19,7% жанчын ва ўзросце больш за 15 гадоў. Ад хваробаў, звязаных з курэннем, у рэспубліцы штогод паміраюць каля 15,5 тыс. чалавек.
 

Беларускія праваабаронцы патрабуюць адмяніць разьмеркаваньне выпускнікоў ВНУ - паведамляе партал Наша Ніва. Юрысты Беларускага хэльсінскага камітэту зьвярнуліся ў Канстытуцыйны суд, каб ён праверыў, наколькі разьмеркаваньне адпавядае асноўнаму закону Беларусі. У Канстытуцыі запісана, што ў краіне бясплатная вышэйшая адукацыя. Але калі выпускнік мусіць адпрацаваць гэтыя грошы, або вярнуць іх дзяржаве, то гэта ўжо не бясплатная адукацыя! – аргумэнтуюць прадстаўнікі БХК.

Каляровыя сьлімакі на вуліцах, дзіўныя рэчы, хэпэнінгі – так выглядае адзіны ў Польшчы Фэстываль абсурду ў г. Катавіцэ.

Арганізатар фэстывалю Матэуш Запарт кажа, што сёньняшні сьвет перапоўнены шэрымі колерамі й палітыкай. Сучаснаму чалавеку не хапае адпачынку й каляровых рэчаў.

Некалькі сотняў чалавек прыйшлі 11 лістапада ў Дом Ваньковічаў узяць удзел у прэзэнтацыі сучаснага беларускага трафарэтнага мастацтва. Невялікая заля менскага музэю не змагла зьмясьціць усіх жадаючых.
 

У Мінску ў выдавецтве "Лімарыус" выйшаў зборнік да 75‑годдзя прафесара Адама Мальдзіса пад назвай "Беларусь і беларусы ў прасторы і часе". Пад рэдакцыяй Сяргея Запрудскага, Аляксандра Фядуты, Захара Шыбекі.

Беларуская школьніца стварыла ва Украіне дзіцячую банду. Яна цэлы год тэрарызавала жыхароў вёскі Гута на Валыні.

12-гадовая Марына прыязджала ва ўкраінскую вёску на лета з Маларыты. Там яна пазнаёмілася з дзяўчынкамі 10 і 14 гадоў, намовіла іх абкрадаць суседнія хаты.

Спачатку іх здабычай былі невялікія сумы, але нядаўна дзяўчынкі скралі ў адной жыхаркі Гуты каля 200 долараў і тры ваўчары на папаўненне рахунку сотавага аператара. Ваўчарам дзяўчынкі заплацілі за свае размовы па мабільніках, і міліцыянты іх лёгка вылічылі.

 Пра гэта стала вядома літаральна за гадзіну да пачатку прэзентацыі новага альбома гурта.

З мінскага клуба “Фартуна”, дзе мусіў адбыцца канцэрт, перадае наш карэспандэнт Галляш Валынец.

У беларускім фінале конкурса "Форд Супэрмадэль сьвету" перамагла 16-гадовая жыхарка Менску Дар'я Аніськова

Да стагодзьдзя знакамітай швэдзкай пісьменьніцы Астрыд Ліндгрэн група энтузіястаў выдала па‑беларуску адзін з самых яе вядомых твораў «Малы і Карлсан‑з‑даху».

Пра гісторыю выданьня казкі пра Карлсана на беларускай мове распавяла адна з ініцыятарак праекту Настасься Мацяш. «Гэта даўняя гісторыя.

За 230 дзён да старту пекінскай Алімпіяды-2008 22 снежня на праспекце Пераможцаў каля Палаца спорту ў Мінску адкрыецца стэла “Алімпійскі час”.

Музыкі з дапамогай журналістаў Еўрарадыё пачалі рыхтаваць неабходныя паперы для падачы заяў на “Еўрафэст”.

13 лістапада ў Беларускім цэнтры моды адкрыўся Тыдзень моды "Вясна—лета 2008". Такое мерапрыемства, закліканае прадэманстраваць асноўныя модныя тэндэнцыі наступнай вясны і лета, праходзіць у Мінску ўжо пяты раз.

Як паведаміла на адкрыцці тыдня кіраўнік ААТ "Цэнтр моды" Любоў Манулік, у праграме мерапрыемства — лекцыі, даклады, прэзентацыі, паказы беларускіх дызайнераў і вытворцаў. Так, 13 лістапада ў Беларускім цэнтры моды праходзяць лекцыі, прысвечаныя модным тэндэнцыям адзення вясны і лета наступнага года. Як паведаміла падчас даклада мастацкі кіраўнік Беларускага цэнтра моды Эльвіра Жвікава, наступны сезон стане пераломным у плане модных тэндэнцый: у ім актуальныя тэмы футурызму, мадэрнізму. Базавыя шэра-бэжавыя адценні тканін, характэрныя для гэтай зімы, стануць вясной і летам 2008 года асновай для больш яркіх, эмацыянальных колераў.

У васьмімільённым Нью-Ёрку з дапамогаю інтэрнэту хлопец адшукаў дзяўчыну сваёй мары, у якую закахаўся зь першага позірку, убачыўшы ў вагоне мэтро. І хаця Каляды яшчэ ня хутка, цуды ў мэгаполісе ўжо пачаліся.

Вось і гатовы сцэнар для чарговага галівудзкага хэпі-энду. З той толькі розьніцай, што гэтая казка — сапраўдная гісторыя аднаго каханьня.

21-гадовы вэб-дызайнэр Патрык Мобэрг з Брукліну закахаўся зь першага погляду ў незнаёмку, пабачыўшы яе ў вагоне мэтро. Але неўзабаве згубіў яе ў натоўпе.

Аднак адступаць Патрык не хацеў. Вярнуўшыся дахаты, ён хуценька стварыў сайт www.nygirlofmydreams.com, з дапамогаю якога і спадзяваўся знайсьці «дзяўчыну сваёй мары».

У Беларусі паляць каля 64% мужчын і 20% жанчын. Такія лічбы назваў галоўны нарколаг Міністэрства аховы здароўя Беларусі Уладзімір Максімчук.

Былому студэнту Эўрапейскага гуманітарнага Універсітэту Капчэўскаму Мікалаю патрэбна дапамога ў правядзенні цяжкай аперацыі. Яго дыягназ: артэрыявянозная мальфармацыя задняй чэрапной ямкі. Мікалаю патрэбна фінансавая ды й інфармацыйная падтрымка. Было праведзена абследванне ў Маскве ў навукова-даследчым інстытуце нейрахерургіі імя Бурдэнка. Спецыялісты гэтага інстытуту адмовіліся ад правядзення аперацыі.

З новага году факультэт журналістыкі Беларускага дзяржаўнага ўніверсітэта пераедзе ў новы корпус і будзе перайменаваны. Пра гэта Еўрарадыё паведамілі ў прэс-службе БДУ.

Кіраўнік прэс-службы Вольга Шчадрына кажа, што ён атрымае назву інстытута журналістыкі, які будзе складацца з 2-х факультэтаў.

Вольга Шчадрына: “Факультэт журналістыкі, дзе будуць навучацца звычайныя студэнты і факультэт перападрыхтоўкі кадраў. Бо ёсць шмат людзей, што маюць іншую адукацыю, але хочуць быць журналістамі і ім няма дзе вучыцца”.

У ліцэі БДУ адбылася ўрачыстая цырымонія адкрыцця выставы "Адукацыя ў Кітаі".
Паводле слоў міністра адукацыі Беларусі Аляксандра Радзькова, экспазіцыя дазволіць замацаваць дамоўленасці ў сферы гуманітарнага супрацоўніцтва, дасягнутыя падчас візіту ў Беларусь прэм'ера Дзяржсавета КНР Вэнь Цзябао, іібудзе спрыяць наладжванню доўгатэрміновых беларуска-кітайскіх кантактаў у сферы адукацыі.

У Гомелі за мінулыя суткі зарэгістравалі найвялікшае для лістапада сьнежнае покрыва — 17 см.

Сьнег стаўся прычынай шматлікіх адключэньняў электрычнасьці, пераважна ў Гомельскай і Магілёўскай абласьцях. За мінулыя суткі ў краіне адключалася электразабесьпячэньне ў 1451 вёсцы і 317 фэрмах.

На сёньняшнюю раніцу абясточанымі заставаліся 504 вёскі й 55 фэрмаў.

У Гродне створана ініцыятыўная група па правядзенні святочнай беларускамоўнай акцыі на Каляды.

2 снежня ў клубе "Фартуна" (Смаленская, 15) а 19-й гадзіне Зміцер Вайцюшкевіч & WZ-Orkiestra прадставіць гледачам новую праграму "Лірыка" - песні на вершы Генадзя Бураўкіна.

Новы альбом спявак прымеркаваў адразу да двух юбілеяў. Нават дзіўна чуць ад артыста дакладныя лічбы - звычайна ў шоу-бізнесе гэта прэрагатыва Аляксандра Саладухі, які памятае усе значныя і нязначныя даты сваёй творчай дзейнасці. І тым не менш.

Вырашыў напісаць яшчэ адзін пост на тэму незалежнай прэсы. Бо як толькі пачынаецца дыскусія, хтосьці зазначае: усе мэдыі ад нечага ці ад некага залежаць.
Дык вось, унясем пэўнасьць: пад незалежнай прэсай экспэрты заўжды маюць на ўвазе недзяржаўную, і толькі. Натуральна, у любое выданьне ўкладаюцца нейкія грошы, любая рэдакцыя праводзіць пэўную рэдакцыйную палітыку. Ня можа быць рафінавана аб'ектыўных мэдыяў, гэта міт.
Напрыклад, бальшыня наведнікаў гэтага сайту апрыёры ўяўляе, чым дыхаюць, што вызнаюць стваральнікі "НН". Суворы чытач можа яшчэ і закінуць "здраду прынцыпам":) Але назаўтра зноў прыдзе на сайт, бо тут, што б ні казалі, непараўнальна болей плюралізму, дыскусійнасці, чым у любым афіцыёзным выданьні.

Сёлета спаўняецца 100 год з дня нараджэння Астрыд Ліндгрэн. Юбілей сусветнавядомай пісьменніцы святкуюць ня толькі шведы. Але і немцы, англічане,японцы, кітайцы і шмат яшчэ хто … У гэтым шэрагу і мы, беларусы. Мінскае аддзяленне шведскай амбасады ў Маскве і пры падтрымцы Дома кіно і кінатэатра “Цэнтральны” прапаноўвае ўсім дзеткам, а таксама і дарослым апынуцца ў казачным свеце Ліндгрэн.

Публікацыі сямі беларускіх гісторыкаў уключаны ў зборнік "Камунізм на міжнародны трыбунал". Пра гэта паведаміў БелаПАН кандыдат гістарычных навук Ігар Кузняцоў.

Паводле яго слоў, 15—16 чэрвеня 2007 года ў васьмі краінах Еўропы — Албаніі, Беларусі, Латвіі, Літве, Македоніі, Славакіі, Украіне і Эстоніі — прайшлі нацыянальныя канферэнцыі на тэму "Камунізм на міжнародны трыбунал". "Прадстаўленыя на канферэнцыях даклады ўвойдуць у міжнародны зборнік на англійскай мове, які мяркуецца разаслаць у найбуйнейшыя бібліятэкі і парламенты вядучых краін свету", — расказаў І.Кузняцоў.

Чакаецца, што зборнік выйдзе ў канцы гэтага года ў Вільнюсе — там жа размешчаны аргкамітэт міжнароднай канферэнцыі "Камунізм на міжнародны трыбунал". Сярод беларускіх даследчыкаў, чые даклады ўвайшлі ў выданне, — Аляксандр Грыцанаў ("Бальшавізм і фашызм"), Ігар Кузняцоў ("Палітычныя рэпрэсіі ў XX стагоддзі. Урокі гісторыі"), Якаў Басін ("Бальшавізм і беларускае яўрэйства"), Віталь Жук ("Польскі фактар у рэпрэсіях"), Анатоль Вялікі ("Разгром Бунда"), Аляксандр Урублеўскі ("Рэпрэсіі супраць духавенства") і Ірына Раманава ("Самазабойствы і савецкая ўлада").

У Маскве ў Крамлі разагналі несанкцыянаваную акцыю Беларускага рэспубліканскага саюза моладзі (БРСМ).
 
9 лістапада дэлегацыя з 30 чалавек з аднаго з гарадоў Беларусі прыйшла на экскурсію ў Крэмль. Сябры БРСМ разгарнулі свой сцяг і вырашылі сфатаграфавацца на фоне Троіцкай вежы.

У пятніцу, 9 лістапада ў Беларускі Хельсінкскі Камітэт звярнуўся студэнт Баранавіцкага Дзяржаўнага Універсітэта, інжынернага факультэта, Алесь Краўчэня. Справа ў тым, што ва ўніверсітэце яго папярэдзілі, што рыхтуецца загад паводле яго адлічэння з ВНУ фармальна за 24 гадзіны пропускаў. У пятніцу, 9 лістапада ў Беларускі Хельсінкскі Камітэт звярнуўся студэнт Баранавіцкага Дзяржаўнага Універсітэта, інжынернага факультэта, Алесь Краўчэня. Справа ў тым, што ва ўніверсітэце яго папярэдзілі, што рыхтуецца загад паводле яго адлічэння з ВНУ фармальна за 24 гадзіны пропускаў.

У Гродне тралейбусы пачалі здаваць напракат. Пра гэта паведаміў начальнік унітарнага гарадскога прадпрыемства "Гродзенскае тралейбуснае ўпраўленне" Іосіф Любчынскі.
Паводле яго слоў, першымі такой паслугай скарысталіся маладыя. Упрыгожаны вясельнай мішурой тралейбус 6 гадзін катаў маладых і іх гасцей па вуліцах старажытнага горада.

Беларускі рэспубліканскі саюз моладзі і камітэт па справах моладзі адміністрацыі Сочы падпісалі дамову аб супрацоўніцтве.
 
Як адзначыла выканаўчы дырэктар Расійска-беларускага саюза моладзі Алена Асмалоўская, галоўная мэта дамовы — арганізацыя працы і абмен студэнцкімі атрадамі Беларусі і Сочы, правядзенне сумесных патрыятычных акцый, мерапрыемстваў па прапагандзе здаровага ладу жыцця, а таксама развіццё моладзевага турызму.

Сёння ўначы ў гомельскай кавярні "Крыніца" па праспекце Касманаўтаў адбылася бойка паміж наведнікамі.

Маладыя людзі, якія ўдзельнічалі ў бойцы, выкарысталі агнястрэльную зброю. Як паведаміла адміністратар кавярні Надзея Хадановіч, на момант пачатку інцыдэнту ў кавярні знаходзілася больш за 50 чалавек.

Еўрарадыё знайшло прадпрыемства, на якім выраблялася плітка для плошчы Незалежнасці, а таксама высветліла, што ўкраінскі граніт прайшоў выпрабаванні ў Беларускім інстытуце будматэрыялаў.

Як даведалася Еўрарадыё, кіраўнік “Дырэкцыі па рэканструкцыі плошчы Незалежнасці” Павел Улашчанка, пры якім укладвалася радыеактыўная плітка на галоўнай плошчы сталіцы, звольніўся яшчэ ў сакавіку.

Верагодна, яго сыход не звязаны са скандалам вакол пліткі, таму што першы замер адбыўся толькі ў траўні. Цяпер арганізацыю ўзначальвае Аляксандр Трыфанаў. Паводле яго слоў, “Дырэкцыя” не мае дачынення да пліткі.

Кніга Дзьмітрыя Гулецкага «Манэты беларускай даўніны» — для ўсіх, хто цікавіцца гісторыяй Беларусі дарасейскага пэрыяду.

Першае папулярнае беларускамоўнае выданьне пра гісторыю беларускіх грошай. Беларускім зьбіральнікам манэтаў і тым хто захапляецца гісторыяй ВКЛ.

МУС Беларусі падрыхтавала праект указу аб адмене дазвольнага штампу для выезду мяжу ў пашпартах грамадзян Беларусі.

Праектам дакумэнту прадугледжваецца адмена штампу з 1 студзеня 2008 г.

Але разам з гэтым плянуецца зацьвердзіць палажэньне аб агульным банку зьвестак аб асобах, выезд якім з тэрыторыі Беларусі абмежаваны ў адпведнасьці з заканадаўствам. Зараз праект праходзіць узгадненьне ў рэспубліканскіх органах дзяржаўнага кіраваньня.

Гомельскія падлеткі знайшлі на вуліцах новы наркотык. Пацярпелыя трапляюць у рэанімацыю ў поўнай дэзарыентацыі. Яны ня могуць нават сказаць, як іх завуць.

За апошнія два тыдні ў дзіцячыя аддзяленні гомельскіх бальніц з дыягназам «атручэнне раслінным ядам» патрапілі 34 чалавекі. Амаль усіх іх дактары вымушаны былі лячыць у рэанімацыі. У рэальнасці, як сцвярджаюць дактары, пацярпелых ад новага наркотыка значна больш. Дзеці атруціліся насеннем дурнап’яна звычайнага, што было новым для гомельскіх медыкаў. Пра знешні выгляд расліны і пра яго ўздзеянне на арганізм ўрачам давялося даведвацца праз Інтэрнэт.

«Дурнап’ян звычайны стаў суперпапулярнай раслінай сярод гомельскіх дзяцей і падлеткаў. Яго шышачкі ўтрымліваюць насенне, якое пры спажыванні выклікае багатыя галюцынацыі. За апошні год дурнап’ян з’явіўся на гарадскіх клумбах, ля будынкаў раённых адміністрацый, у дварах дамоў і нават каля школ…», — кажа ўрач‑педыятр Гомельскай абласной бальніцы Гелена Белікава.

У “Белпошце” тлумачаць сітуацыю “правам выбару друкаваных выданняў для фармавання свайго каталога” і тым, што яны кіруюцца выключна “эканамічнай мэтазгоднасцю”.

Дарэчы, у параўнанні з мінулым годам, расійскіх выданняў, якія можна было сёлета выпісваць у Беларусі, стала амаль на дзве з паловай сотні больш – 8328. Але ў падпісны каталог на першае паўгоддзе 2008 года патрапілі толькі чатыры з паловай тысячы расійскіх выданняў.

МУС Беларусі ініцыюе абмежаваньне продажу сьпіртнога з 22.00 да 9.00. Адпаведная прапанова ўжо ўзгодненая і накіраваная на разгляд ураду, паведаміў начальнік упраўленьня прафіляктыкі галоўнага ўпраўленьня міліцыі грамадзкай бясьпекі і спэцыяльнай міліцыі МВД Мікалай Дрозд.

 Праваахоўныя органы ў ліку паправак у адміністратыўнае заканадаўства прапануюць таксама ўвесьці адказнасьць за расьпіцьцё алькагольных і слабоалькагольных напояў у грамадзкіх месцах.

Праблема барацьбы з п’янствам і алькагалізмам застаецца досыць вострай. Сёлета больш за 680 сваракпад узьдзеяньнем алькаголю перарасьлі ў злачынствы рознай цяжкасьці.

7 лістапада тры гадзіны курсіраваў па Магілёве тралейбус імя Цішкі Гартнага. Гэтак адзначыла гарадзкая суполка Таварыства беларускай мовы 120-годзьдзе беларускага пісьменьніка, першага старшыні савецкага ўраду Беларусі Зьмітра Жылуновіча. Сёлета ўлетку гэткім жа чынам адзначылі 125-годзьдзе Янкі Купалы.

"Белтэлекам" днямi прадставiў свае iнавацыйныя прадукты. Яго новым праектам у галiне перадачы даных стаў бесправадны доступ у Iнтэрнэт wi-fi.

Журналіста Івана Романа абвінавачваюць у супрацоўніцтве з замежным сродкам масавай інфармацыі без акрэдытацыі пры Міністэрстве замежных справаў. У якасьці доказу гэтага супрацоўніцтва Іван Роман атрымаў ад пракурора раздрукоўкі сваіх тэлефонных размоваў з рэдакцыяй радыё “Рацыя” ў Беластоку.

У Беларусі заяўкі на ўдзел у адборачным туры міжнароднага конкурсу маладых выканаўцаў папулярнай музыкі "Новая хваля-2008" будуць прымацца з 15 лістапада 2007 года па 31 студзеня 2008 года. Аб гэтым карэспандэнту БЕЛТА паведамілі ў аргкамітэце конкурсу.

Спецназ Міністэрства ўнутраных справаў Грузіі заняў будынак незалежнага грузінскага тэлеканала “Імедзі”. Яго вяшчанне перарванае, паведамляе Газета.ру.

Сілавыя структуры рэжыма Міхаіла Саакашвілі працягваюць падаўляць вулічныя выступленні апазіцыі. Дзеля гэтага выкарыстоўваюцца дубінкі, вадамёты і слёзацечны газ.

Апошнія арганізаваныя групы апазіцыянераў цяпер застаюцца ў тбіліскім храме святой Тройцы, які аточаны спецназам.

Нагадаем, грузінская апазіцыя патрабуе адстаўкі прэзідэнта Саакашвілі, правядзення парламенцкіх выбараў у красавіку 2008 года і вызвалення палітвязняў.

"Еўрарадыё" даведалася, ці карыстаюцца беларускія зоркі тымі таварамі, якія рэкламуюць.

Спявачка Алеся, якая апошнім часа рэкламуе Таро Цэнтр Тэлеком, кажа, што шмат хто са знакамітасцяў займаецца рэкламай і яна не бачыць тут нічога дрэннага.

Алеся: “Калі нейкая кампанія выбірае мяне ў якасці брэнду, то я лічу гэта індыкатарам папулярнасці”.

У Таро Цэнтр Тэлеком, які рэкламуе, Алеся не звяртаецца.

Алеся: “Што тычыцца Таро цэнтра, то спачатку мне было цікава, я тэлефанавала. А ўвогуле са мной не было такога, каб я сама не магла прыняць нейкае там рашэнне ці знайсці выхад са складанай сітуацыі. Не было. Можа, яшчэ будзе?”